சுற்றுச்சூழல் செயல்திறனில் முன்னேறுமா இந்தியா?

யேல், கொலம்பியா பல்கலைக்கழகங்கள் இணைந்து அண்மையில் வெளியிட்ட சுற்றுச்சூழல் செயல்திறன் குறியீட்டெண்-2022 அறிக்கையில், இந்தியா கடைசி நாடாக இடம்பெற்றிருப்பது சுற்றுச்சூழல் பாதுகாப்பில் இந்தியாவுக்கு முன்னுள்ள எதிர்காலச் சவால்களை எடுத்துக்காட்டியுள்ளது.

சர்வதேச அளவில் நாடுகளிடையே சுற்றுச்சூழலின் நீடித்ததன்மையைத் தரவரிசைப்படுத்துவதில் இந்தக் குறியீட்டெண் முக்கியமானதாகக் கருதப்படுகிறது. கடந்த 2002-ம் ஆண்டிலிருந்து உலகப் பொருளாதார மன்றத்தின் சார்பில் யேல், கொலம்பியா பல்கலைக்கழகங்கள் இணைந்து, இந்தக் குறியீட்டெண்களை வெளியிட்டுவருகின்றன.