பாரிஸ் பாராலிம்பிக்: இந்தியாவின் புதிய உயரம்

பாரிஸ் பாராலிம்பிக்கில் இந்திய வீரர், வீராங்கனைகளுக்குக் கிடைத்திருக்கும் மகத்தான வெற்றி பெரும் மகிழ்ச்சியளிக்கிறது. பாராலிம்பிக் வீரர்கள், பயிற்சியாளர்கள், தேர்வாளர்கள் என அனைவரும் ஒருங்கிணைந்து சிறப்பாகப் பங்களித்து, நாட்டுக்குப் பெருமை சேர்த்திருக்கின்றனர்.

பாரிஸில் நடைபெற்ற பதினேழாவது பாராலிம்பிக் போட்டியில் 7 தங்கம், 9 வெள்ளி, 13 வெண்கலம் என 29 பதக்கங்களை இந்தியா வென்றுள்ளது. பாரா துப்பாக்கிச் சுடுதலில் 1, பாரா பேட்மின்டனில் 1, பாரா தடகளத்தில் 4, பாரா வில்வித்தையில் 1 என 7 தங்கப் பதக்கங்களை இந்தியர்கள் கைப்பற்றினர்.