சமூக விரோதிகளை ஒடுக்குவதில் அலட்சியம் கூடாது

தலைநகர் சென்னையில் பகுஜன் சமாஜ் கட்சியின் மாநிலத் தலைவரும் வழக்கறிஞருமான ஆம்ஸ்ட்ராங் படுகொலை செய்யப்பட்டது கண்டிக்கத்தக்கது. இந்தக் கொலைச் சம்பவத்தைத் தொடர்ந்து தமிழ்நாட்டின் சட்டம் - ஒழுங்கு குறித்த பெரும் விவாதங்கள் எழுந்துள்ளன.

ஜூலை 5 அன்று, சென்னை பெரம்பூரில் செம்பியம் காவல் நிலையத்திலிருந்து 100 மீட்டர் தொலைவில் ஆம்ஸ்ட்ராங் புதிதாகக் கட்டிவரும் வீட்டின் அருகே கூலிப் படையினர் 6 பேர் சேர்ந்து அவரை வெட்டிக் கொலை செய்தனர். இந்தச் சம்பவத்தில் ஈடுபட்டவர்கள் உள்பட 11 பேரை அடுத்த சில மணி நேரத்தில் கைது செய்துவிட்டதாகக் காவல் துறை அறிவித்துள்ளது.