உயிர்ப் பலிக் கூடங்களா பயிற்சி மையங்கள்?

நீட், ஜேஇஇ உள்ளிட்ட பல்வேறு நுழைவுத் தேர்வுகளுக்குப் பயிற்சி அளிக்கும் மையங்கள், 16 வயது நிரம்பிய அல்லது 12ஆம் வகுப்பு முடித்த மாணவர்களை மட்டுமே சேர்க்க வேண்டும் என்பது உள்ளிட்ட பல்வேறு வழிகாட்டி நெறிமுறைகளை மத்தியக் கல்வி அமைச்சகம் சமீபத்தில் வெளியிட்டிருக்கிறது.

போட்டித் தேர்வுக்குத் தயாராகும் மாணவர்கள் உடல்-உள பாதிப்புகளுக்கு உள்ளாகித் தற்கொலை வரை செல்வது நாளுக்கு நாள் அதிகரித்துவருவதன் பின்னணியில், கல்வி அமைச்சகம் இத்தகைய வழிகாட்டி நெறிமுறைகளை வெளியிட்டிருப்பது பாராட்டுக்குரியது.