அர்த்தமுள்ளதா அமைச்சரவை மாற்றம்?

மு.க.ஸ்டாலின் தலைமையிலான திமுக அரசின் அமைச்சரவையில், சமீபத்தில் நடந்தேறியிருக்கும் அமைச்சர்களின் துறை மாற்றங்கள் அரசியல் களத்தில் ஒரு விவாதமாக மாறியிருக்கின்றன. அமைச்சரவையில் யாரெல்லாம் இடம்பெற வேண்டும், யாருக்கு எந்தத் துறையை ஒதுக்க வேண்டும் என்பது முதல்வரின் தனிப்பட்ட உரிமையும் விருப்பமும் ஆகும்.

ஆனால், அதையும் தாண்டி அமைச்சர்களின் துறை மாற்றமோ, நீக்கமோ பொதுவெளியில் கவனம் பெறுவதற்குக் காரணம், அவற்றின் பின்னணியில் இருக்கும் அரசியல் சதிராட்டங்கள்தான்.