சொல்… பொருள்… தெளிவு | இந்தியாவின் முதல் ‘வாட்டர் மெட்ரோ’

ஒரு நாட்டின் வளர்ச்சிக்கும் பொருளாதார ஏற்றத்துக்குமான அடித்தளங்களில் போக்குவரத்துக் கட்டமைப்பு முதன்மையானது. உலக அளவில் பொருளாதாரத்தில் வேகமாகமுன்னேறிவரும் நாடுகளில் இந்தியாவும் ஒன்று. இந்தியாவில் கடந்த 20 ஆண்டுகளாகப் போக்குவரத்து சேவைக்குக் கூடுதல் முக்கியத்துவம் கொடுக்கப்படுகிறது.

மத்திய அரசும் மாநில அரசுகளும் சாலை, ரயில், விமானம் என அனைத்து விதமான போக்குவரத்து முறைகளையும் முழுவீச்சில் மேம்படுத்திவருகின்றன. இதன் தொடர்ச்சியாக, இந்தியாவின் முதல் ‘வாட்டர் மெட்ரோ’ போக்குவரத்துச் சேவையைப் பிரதமர் நரேந்திர மோடி கேரளத்தில் நேற்று தொடங்கிவைத்தார். இன்று முதல் இத்திட்டம் மக்களின் பயன்பாட்டுக்கு வருகிறது.