சொல்… பொருள்… தெளிவு | வெளிநாட்டு வர்த்தகக் கொள்கை

மத்திய அரசு அறிமுகப்படுத்தியுள்ள புதிய வெளிநாட்டு வர்த்தகக் கொள்கையை (Foreign Trade Policy -FTP), மத்திய வர்த்தகம் - தொழில் துறை அமைச்சர்பியூஷ் கோயல், மார்ச் 31 அன்று வெளியிட்டார். முந்தைய கொள்கையானது 2015-2020 வரையிலான காலகட்டத்துக்கென 2015இல் அறிமுகப்படுத்தப்பட்டது.

கரோனா பெருந்தொற்று, புவி அரசியல் நெருக்கடிகள் உள்ளிட்ட காரணங்களால் பல முறை அது நீட்டிக்கப்பட்டுவந்தது. 2023 மார்ச் 31 வரை நடைமுறையிலிருந்த அந்தக் கொள்கையைத் தொடர்ந்து, புதிய வெளிநாட்டு வர்த்தகக் கொள்கை (வெ.வ.கொ.) ஏப்ரல் 1இலிருந்து நடைமுறைக்கு வந்துள்ளது.