தமிழ்நாட்டில் தமிழர்களுக்கு வேலைவாய்ப்பு மறுக்கப்படுகிறதா?

வட மாநிலத் தொழிலாளர்களின் வருகை தொடர்பாக எழுந்திருக்கும் விவாதத்தில் சில முக்கிய அம்சங்கள் கூடுதல் கவனத்தைக் கோருகின்றன. உண்மையில், தமிழ்நாட்டு இளைஞர்கள் வேலை பார்க்காமலோ வேலைக்கு வர விருப்பம் இல்லாமல் இருப்பதாகவோ சொல்ல முடியாது.

வணிகர் சங்கப் பேரமைப்பின் மாநிலத் தலைவர் விக்கிரமராஜா அறிவித்தபடி, அனைத்து வணிக நிறுவனங்களும், தொழிலதிபர்களும் தமிழர்களுக்கு வேலை வழங்குவதில் தயக்கம் காட்டுவதும் இல்லை. ஆனால், வேலையின் போக்கு அல்லது அதன் தன்மை மாறிவிட்டது என்பதுதான் கவனிக்க வேண்டிய விஷயம்.