மலைச்சாமி: தலித் விடுதலையின் தலைமகன்!

தமிழ்நாட்டில் பட்டியலின மக்களின் ஆட்சி அதிகாரம் எனும் கருத்தியலுடன் தோன்றிய குரல், மதுரை மண்ணிலிருந்து ஒலித்த மலைச்சாமியின் கலகக் குரல்.

மதுரை அவனியாபுரத்தில், நீர் மேலாண்மை சார்ந்த மடைப்பணி செய்யும் குடும்பப் பின்னணியில் 1956 மார்ச் 11 அன்று பிறந்தவர் மலைச்சாமி. நவீனமடைதல் வழியாக சாதிய இறுக்கத்தை உடைக்க முடியும் என்றும் நம்பிய அவர், அதற்குக் கல்வியறிவு அவசியம் என உணர்ந்தார்.