இணையக் களம் | பழம்பிரதிகள்: பகிர்வு மரபு

பேராசிரியர் பசுபதியின் ‘பசுபதிவுகள்’ (http://s-pasupathy.blogspot.com/) தளத்தை அவ்வப்போது வாசிப்பது வழக்கம். அவரது தளம் மூலமாகவே பல பழங்கால இதழ்கள், எழுத்தாளர்கள் பற்றி அறிந்துகொள்ள முடிந்தது. சில தினங்களுக்கு முன் அவர் காலமானதாக ‘சிலிக்கான் ஷெல்ஃப்’ தளத்தில் ஆர்.வி.எழுதிய பதிவின் மூலம் அறிந்தேன்.

“பேராசிரியர் பசுபதி எங்கிருந்துதான் இத்தனை பத்திரிகைகளைப் பிடிக்கிறாரோ என்று வியந்திருக்கிறேன்” என்கிறார் ஆர்.வி. அந்தத் தளத்தைப் பார்க்கும் அனைவரும் அவ்வாறு வியந்திருக்கக்கூடும். நானும் அப்படி வியந்திருக்கிறேன்.