ஆசிரியர்களுக்கு இடையே ஏன் இந்தப் பாகுபாடு?

ஆசிரியர் தேர்வு வாரியம் மூலம், தகுதியான ஆசிரியர்களைத் தமிழ்நாடு அரசு தேர்ந்தெடுத்து வருகிறது. ஆனால், அத்துடன் தனது பணியை அந்த வாரியம் முடித்துக்கொள்கிறது. ஆதிதிராவிடர் - பழங்குடி நலத் துறை, கள்ளர் சீரமைப்புத் துறை, மாநகராட்சிப் பள்ளிகள், வனப் பள்ளிகள் எனப் பிற துறைகளின் கட்டுப்பாட்டின்கீழ் இயங்கிவரும் பள்ளிகளுக்கான பணி ஆணையை அந்தந்தத் துறைகள் வாயிலாகவே ஆசிரியர்கள் பெறுகிறார்கள்.

ஒரே தேர்வு வாரியத்தால், ஒரே நேரத்தில் தேர்வு நடத்தப்பட்டு நியமிக்கப்படும் ஆசிரியர்கள், பல்வேறு துறைகளுக்கு எந்த அடிப்படையில் பிரித்து அனுப்பப்படுகிறார்கள் என்பது இதுவரை தெளிவுபடுத்தப்படவில்லை.