மொழிப்போரின் முதல் தியாகிகள்!

இந்தித் திணிப்புக்கு எதிரான போராட்டங்கள் 1965இல் தொடங்கியவை அல்ல. சுதந்திர இந்தியாவில் அரசமைப்பு ஏற்றுக்கொள்ளப்படுவதற்கு முன்பே இந்தித் திணிப்புக்கான ஆயத்தங்கள் தொடங்கிவிட்டன.

அந்த முயற்சிக்கு எதிராக அப்போதே உருவான கடுமையான எதிர்ப்புகள் வரலாற்றில் என்றைக்கும் நினைவுகூரப்பட வேண்டியவை. பள்ளிகளில் கட்டாய இந்திக்கு எதிரான மொழிப் போராட்டத்தின் (1937-39) விளைவால், தமிழ் உணர்ச்சிபூர்வமான விஷயமாக மாற்றப்பட்டதும், அதன் பேரில் உணர்வுபூர்வமாக வெகுமக்கள் ஈர்க்கப்பட்டதும் நடந்தேறின.