திருப்புமுனையாகுமா திரிபுரா தேர்தல்?

திரிபுராவில் நாளை நடைபெறவிருக்கும் சட்டப்பேரவைத் தேர்தல், இந்த ஆண்டின் முதல் தேர்தல் எனும் வகையில் முக்கியத்துவம் பெறுகிறது. 25 ஆண்டுகளாக ஆட்சிப்பொறுப்பில் இருந்த மாணிக் சர்க்கார் தலைமையிலான இடது முன்னணி, 2018இல் பாஜகவிடம் ஆட்சியைப் பறிகொடுத்தது.

அதை மீட்டெடுக்க இந்த முறை பிரயத்தனங்கள் நடக்கின்றன. இடது முன்னணியில் இந்த முறை காங்கிரஸும் இடம்பெற்றிருக்கிறது. 2019இல் தொடங்கப்பட்ட திப்ரா மோத்தா கட்சியும் (திரிபுரா பூர்வகுடிகள் முன்னேற்ற மண்டலக் கூட்டணி) இந்தத் தேர்தலில் களமிறங்கியிருப்பதால் மும்முனைப் போட்டி நிலவுகிறது.