இடையிலாடும் ஊஞ்சல் 8: விளையாட்டின் மீது ஏற்றப்பட்டவை

விளையாட்டைத் தொலைக்காட்சியில் விரும்பிப் பார்க்கும் பழக்கம் எனக்கு இல்லை. என்றாலும், கூகுள் சுந்தர் பிச்சை சொன்னதுபோல, உலகமே சரணடைந்து கிடந்த உலகக் கோப்பைக் கால்பந்துப் போட்டியின் இறுதி நிகழ்வையேனும் பார்த்தாக வேண்டிய நெருக்கடி எனக்கு ஏற்பட்டது. மெஸ்ஸியின் தலைமையில் அர்ஜென்டினா வென்ற ஆட்டத்தை, கோடானுகோடி ரசிகர்களில் ஒருவனாக நானும் பார்த்தேன்.

இங்கு அந்தப் புளகாங்கிதத்தைப் பேச வரவில்லை. பிரான்ஸ் தோற்றதால் அந்நாட்டில் கலவரம் வெடித்தது; பிரான்ஸ் அதிபர் இம்மானுவேல் மெக்ரான் தோற்ற வீரர்களைக் கட்டியணைத்து ஆறுதல் சொன்னதையும் பார்த்தோம். ஐரோப்பாவின் பண்பாட்டுத் தலைமையகமாக மதிக்கப்படும் பிரான்ஸில் ஒரு விளையாட்டில் தோற்றதற்காகக் கல்வீச்சும் ரகளையும் நடந்ததை ஏற்க முடியவில்லை.