1916- முதல் உலகப் போரின் மூன்றாம் ஆண்டு

ஜனவரி 4:

மெசபடோமியா பகுதியில் துருக்கியப் படைகளின் முற்றுகையில் திணறிக்கொண்டிருந்த பிரிட்டன் படைகள், ஷேக் சாத் சண்டையில் புது பலத்துடன் போரிட்டன. இறுதியில் துருக்கிப் படையினர் பின்வாங்கினர்.

பிப்ரவரி 21:

பிரான்ஸின் மோர்ட்- ஹோம் ரிட்ஜ் பகுதி மீது ஜெர்மனிப் படைகள் கொடூரத் தாக்கு தலைத் தொடங்கினர். 10 மாதங்களுக்கும் மேல் நீடித்த இந்தச் சண்டையில் 10 லட்சம் பேர் கொல்லப்பட்டனர்.

மார்ச் 9:

பிரிட்டனின் வேண்டுகோளுக்கு இணங்க, தமது நாட்டின் துறைமுகத்துக்கு வந்த ஜெர்மனி கப்பல்களைப் பறிமுதல்செய்தது போர்ச்சுகல். கோபமடைந்த ஜெர்மனி, போர்ச்சுக்கல் மீது போர் அறிவித்தது.

ஏப்ரல் 5:

பாக்தாத் நகரின் அருகில் டைகிரிஸ் ஆற்றின் கரையில் உள்ள குட் பகுதியில் நடந்த போரில், துருக்கியப் படையினரை எதிர்த்து மூன்றாவது சண்டையில் நேச நாடுகள் இறங்கின.

ஏப்ரல் 29:

குட் பகுதியில் இருந்த 3,000 பிரிட்டன் மற்றும் 6,000 இந்திய வீரர்கள் துருக்கிப் படையிடம் சரணடைந்தனர். இவர்களில் பலர் பசி மற்றும் நோயால் சிறையிலேயே இறந்தனர்.

மே 31 - ஜூன் 1:

டென்மார்க் நகரின் ஜாட்லண்ட் பகுதியில் ஜெர்மன் போர்க் கப்பல்களுக்கும் பிரிட்டனின் போர்க் கப்பல்களுக்கும் இடையில் உக்கிரமான சண்டை நடந்தது.

ஆகஸ்ட் 28:

ஜெர்மனி மீது போர்ப் பிரகடனம் செய்தது இத்தாலி.

செப்டம்பர் 2:

முதன்முறையாக ஜெர்மனியின் ஜிப்லின் விமானம் ஒன்று பிரிட்டன் விமானப் படையால் சுட்டு வீழ்த்தப்பட்டது.

டிசம்பர் 12:

சமாதானமாகப் போகலாம் என்று நேச நாடுகளுக்குத் தூது அனுப்பியது ஜெர்மனி.

டிசம்பர் 18:

பிரான்ஸின் வெர்டன் நகரில் நடந்த சண்டை முடிவுக்கு வந்தது. மேற்கு ஐரோப்பியப் போர் முனையில் நடந்த மிக நீண்ட மற்றும் அதிக பொருட்செலவான சண்டை இது.