சமத்துவச் சுதந்திர விழா!

இந்திய அரசமைப்பு அவையில் வரைவுக் குழுத் தலைவர் பி.ஆர்.அம்பேத்கர், நவம்பர் 25, 1949 அன்று ஆற்றிய கடைசி உரை வரலாற்று முக்கியத்துவம் வாய்ந்தது.

அந்த உரையிலிருந்து அடிக்கடி மேற்கோள் காட்டப்படும் வாசகங்களில் ஒன்று: ‘சுதந்திரத்தைச் சமத்துவத்திலிருந்து பிரிக்க முடியாது. சமத்துவத்தைச் சுதந்திரத்திலிருந்தும் பிரிக்க முடியாது. சுதந்திரத்தையோ சமத்துவத்தையோ சகோதரத்துவத்திலிருந்தும் பிரிக்க முடியாது. சமத்துவம் இல்லாத சுதந்திரமானது, ஒரு சிலர் தங்களது ஆதிக்கத்தைப் பெரும்பான்மையினர் மீது செலுத்துவதற்கு ஏதுவாகும்.’