உதவிபெறும் கல்லூரிகளை ஏன் பாதுகாக்க வேண்டும்?

ஆங்கிலேய அரசாங்கம் அரசுக் கல்லூரிகளைத் தொடங்கியபோதே அரசின் உதவியுடன் தனியார் கல்லூரிகளைத் தொடங்கவும் அனுமதி வழங்கியது. 1871இல் சென்னை மாகாணத்தில் 4 அரசுக் கல்லூரிகளும் 7 அரசு உதவிபெறும் தனியார் கல்லூரிகளும் செயல்பட்டன.

இவற்றில் பெரும்பாலானவை கலை - அறிவியல் கல்லூரிகளே. நூறு ஆண்டுகளுக்குப் பிறகு, 1981இல் தமிழகத்தில் செயல்பட்ட மொத்த கலை - அறிவியல் கல்லூரிகளின் எண்ணிக்கை 195. அவற்றில் 51 அரசுக் கல்லூரிகள்; அரசு உதவிபெறும் கல்லூரிகளின் எண்ணிக்கை 144ஆக இருந்தது.