திறன்பேசியைத் தள்ளிவைப்பதால் பிரச்சினை தீர்ந்திடுமா?

கரோனா ஊரடங்குக்கு முன்பு பேசப்பட்டதுபோலவே, ‘திறன்பேசிகளால் மாணவர்கள் கெட்டுப்போய்விட்டார்கள்’ என மறுபடியும் பேச்சு எழத் தொடங்கியிருக்கிறது. ‘பள்ளிக்குத் திறன்பேசிகள் கொண்டுவரப்பட்டால் பறிமுதல் செய்யப்படும்’ என்கிற எச்சரிக்கையும் பல பள்ளி, கல்லூரிகளில் விடுக்கப்பட்டுள்ளது. திறன்பேசிகள் தீயவழியில் செல்வதற்காகவே உருவாக்கப்பட்டவையா?

சில ஆண்டுகளுக்கு முன்பு பிலிப்பைன்ஸ் சென்றிருந்தபோது, ஒரு கல்வி வளாகத்தில் உயர்நிலைப் பள்ளி மாணவர்களின் செயல்பாடுகள் என்னைக் கவர்ந்தன. ஒருபக்கம், தான் படித்த கதையை ஒரு மாணவர் விவரித்துக்கொண்டிருந்தார். மற்றொரு பக்கம், குழுவாக அமர்ந்து ஒரு தலைப்பை மாணவர்கள் விவாதித்துக்கொண்டிருந்தார்கள். அடுத்த மரத்தடியில், நாடகம் நடைபெற்றுக்கொண்டிருந்தது.