முத்தம்மாள் சத்திரம்: சரபோஜியின் தாஜ்மகால்

ஒரு ஐம்பது, அறுபது ஆண்டுகளுக்கு முன்பு தஞ்சாவூர் தெருக்களில் முதியோர், ஆதரவற்றோர், கணவனை இழந்தவர்கள், மாற்றுத்திறனாளிகள் போன்றோர் கூடிநின்று பேசும்போது இந்தப் பேச்சு காதில் விழும்: “சத்திரத்தில் உலுப்பை வாங்கப் போகும்போது என்னையும் கூட்டிகிட்டுப் போத்தா.

அந்தக் காசு வந்தாத்தான் இந்த மாசம் பசி பட்டினி இல்லாம ஓடும்.” அது என்ன உலுப்பை, யார் கொடுத்தார்கள் என்று கேட்டால் இப்படிப் பதில் வரும்: “தஞ்சாவூர் சரபோஜி மகாராசா, எங்களை மாதிரி ஏழைப்பட்ட ஜனங்களுக்குன்னு மாதாமாதம் கொடுக்கிற உதவித்தொகை. அரிசி, பருப்பு, உப்பு, புளி, மிளகாய், எண்ணெய்க்குப் பதிலா பணமாக் குடுப்பாக. அதப் போய் ராசா சத்திரத்திலேதான் வாங்கணும்.”