பாலியல் தொழில்: கண்ணியம் காத்த நீதிமன்றம்!

அண்மையில் உச்ச நீதிமன்றம் அளித்த தீர்ப்பில் 18 வயதை அடைந்த பின் சுய ஒப்புதலோடு பாலியல் தொழிலில் ஈடுபடுவோரைக் காவல் துறை கைதுசெய்யக் கூடாது என்றும் அவர்கள் மீது எந்தவொரு குற்ற நடவடிக்கையும் எடுக்கக் கூடாது என்றும் கூறியிருக்கிறது.

குறிப்பாக, அவர்களைக் குற்றவாளிகளைப் போல் நடத்தாமல், அவர்களிடம் கண்ணியத்துடன் நடந்துகொள்ள வேண்டும் என்று தீர்ப்பில் கூறியுள்ளது. அத்துடன் தன்னார்வத்தில் மேற்கொள்ளப்படும் பாலியல் தொழில் சட்டவிரோதம் அல்ல; அதுவே பாலியல் கூடங்கள் நடத்துவது சட்டவிரோதம் என்றும் ஒரு பாலியல் தொழிலாளியின் குழந்தையை அவரிடமிருந்து பிரிக்கக் கூடாது என்று கூறியதுடன் பாலியல் தாக்குதலுக்கு உள்ளான பாலியல் தொழிலாளிகளுக்கு மருத்துவ, சட்ட உதவிகள் வழங்கப்பட வேண்டும் என்றும் தனது தீர்ப்பில் உச்ச நீதிமன்றம் குறிப்பிட்டுள்ளது.