விவசாயத்தில் புதியதொரு தொழில்நுட்பம்!

மின்தூக்கி ஒன்றின் அருகில் நீங்கள் செல்கிறீர்கள். அது தானாகவே திறக்கிறது. அதில் நுழைந்து தரைக்குக் கீழுள்ள, கார் நிறுத்தும் தளத்துக்கு வருகிறீர்கள். காருக்கு அருகே சென்றவுடன் காரின் கதவு திறக்கிறது. காரை இயக்க ஆரம்பித்ததும் குளிர்சாதன வசதி செயல்பட ஆரம்பிக்கிறது, உங்களுக்குப் பிடித்த பாடல் ஒன்று ஒலிக்க ஆரம்பிக்கிறது. இப்படி ஒன்றுக்கொன்று ஒரு இணைப்பு ஏற்படுத்தி, அவற்றை இயங்கவைக்கும் தொழில்நுட்பத்தின் இதயத் துடிப்புதான் பொருட்களின் இணையம் (Internet of Things-IOT). ஒரு பொருள் மற்றொரு பொருளுடன் இணையத்தால் தொடர்புகொள்வது, தேவையான தகவல்களைப் பரிமாறிக்கொள்வதுதான் பொருட்களின் இணையம்.