வானவில் அரங்கம் | வில் ஸ்மித்: ஒரு லட்சியத் தந்தையின் திரைவடிவம்

ஆஸ்கர் விருதுகள் அளிக்கப்படுவதற்கு முதல் நாள் நானும் என் மகளும் திரையரங்குக்குச் சென்று ‘கிங் ரிச்சர்டு’ திரைப்படம் பார்த்தோம். படம் பார்த்து முடித்ததும் வில் ஸ்மித் சிறந்த நடிகருக்கான ஆஸ்கர் விருதைப் பெறுவார் என்பதே எங்கள் எதிர்பார்ப்பாக இருந்தது. மறுநாள் ஆஸ்கர் விருதுகள் அறிவிக்கப்பட்டன. வில் ஸ்மித் 2021-ம் ஆண்டுக்கான சிறந்த நடிகருக்கான விருதை வென்றுவிட்டார். இந்த விருது ‘கிங் ரிச்சர்டு’ என்கிற தந்தை பாத்திரத்தில் வில் ஸ்மித் கனகச்சிதமாக நடித்ததற்கானதுதான் என்றாலும் கறுப்பினத்தவர்கள் அனைவரின் போராட்டத்துக்குமான அங்கீகாரம் என்று சொல்வதே பொருத்தமாக இருக்கும்.