சோழ அரசியரின் கல்வண்ணங்கள்

தமிழ்​நாட்டுக் கலை வரலாற்றில் தமக்கெனத் தனி முத்திரை பதித்​தவர்​களில் அரசர்​களைப் போலவே அரசியரும் இருந்​தனர். எனினும், கண்டரா​தித்த சோழரின் தேவியும் உத்தமசோழரின் அன்னை​யுமான செம்பியன்​மாதேவிக்குக் கிடைத்த வெளிச்சம், பலருக்குக் கிடைக்​காமலே போயிற்று.

கணவர், மகன் என இருவரும் ஆட்சியில் இருந்​ததும் அவர்களுக்​கிடை​யிலும் பின்பும் ஆட்சியில் இருந்​தவர்கள் மாதேவி​யிடம் செலுத்திய அன்புநிறை பத்தி​மையுமே செம்பியன்​மாதே​வியின் அரும்​பணிகள் சிறக்​கவும் தொடரவும் நிலைக்​கவும் காரணி​களாயின. முதல் பராந்தகர் காலத்​திலிருந்து முதல் ராஜராஜர் காலம்வரை சோழர் ஆட்சியைப் பார்த்த பெருமாட்டி அவர். அவர் போல் நெடிய வாழ்வும் பெருமிதப் புரப்பும் கிடைக்காத சூழலிலும் பெற்ற வாழ்க்கையின் சொற்ப காலத்தில் பெருமைக்​குரியன செய்து இம்மண்ணின் கலைவளம் கூட்டிய​வர்​களில் குறிப்​பிடத்​தக்கவர் தந்திசத்​தி​விடங்கி.