பாவெல் துரோவ்: நாயகனா, குற்றவாளியா?

கடந்த சில நாள்களாக ‘டெலிகிராம்’ சேவைக்​கும், அதன் நிறுவனர் பாவெல் துரோவுக்கும் என்ன நடக்கிறது என்பதைத் தொழில்​நுட்ப உலகம் ஆர்வத்​தோடும் கவலையோடும் நோக்கு​கிறது. ஏனெனில், இந்த விவகாரம் டெலிகிராம் அல்லது துரோவின் தனிப்பட்ட பிரச்சினை அல்ல: மாறாக, இந்த விவகாரமும் வழக்கும் தொழில்​நுட்ப உலகின் எதிர்​காலத் திசையைத் தீர்மானிக்​கக்​கூடியதாக அமையும் என்றே கருதப்​படு​கிறது.

டெலிகிராம் சேவை சட்டவிரோதச் செயல்​களுக்​காகப் பயன்படுத்​தப்​பட்டது தொடர்பான குற்றச்​சாட்​டில், ஃபிரான்ஸில் துரோவ் கைது செய்யப்​பட்டுப் பிணையில் விடுவிக்​கப்​பட்​டுள்​ளார். டெலிகிராம் போன்ற தொழில்​நுட்ப மேடையில் பகிரப்​படும் கருத்து​களுக்கு அதன் நிறுவனர் எப்படிப் பொறுப்​பேற்க முடியும் என்பது துரோவ் தரப்பின் வாதம்.