செவன் சாமுராய் 70: இன்றும் வெல்லும் வீரர்கள்

​முதன் முதலாக அசையும் உருவங்​களைத் திரையில் பார்த்துத் துணுக்​குற்று, மனிதர்கள் எவ்வாறு ஆச்சரி​யத்தில் ஆழ்ந்தனரோ அது 100 ஆண்டுகள் கடந்தும் மாறாமல் இன்றும் தொடர்வது ஆச்சரி​யம்​தான். மனிதனின் அனைத்துவித உணர்ச்​சிகளையும் உள்வாங்​கிக்​கொண்டு தேவையானபோது மீண்டும் அதை நிகழ்த்​திக்​காட்டும் சினிமா ஓர் அற்புதக் கலை.

100 ஆண்டு​களைக் கடந்தும் மக்களைப் பிரமிக்​கவைக்கும் சிறந்த 100 திரைப்​படங்களை வரிசைப்​படுத்த பி.பி.சி. ஒரு முயற்சி எடுத்தது. அதன் ஒரு பகுதியாக ஆங்கிலம் அல்லாத 100 உலக மொழித் திரைப்​படங்​களின் பட்டியலைத் தயாரித்தது. உலகம் முழுவ​திலிருந்தும் 41 வெவ்வேறு மொழி பேசும் 43 நாடுகளைச் சேர்ந்த 209 கலை விமர்​சகர்கள் சிறந்த திரைப்​படங்​களைத் தேர்ந்​தெடுத்​தனர். அகிரா குரோசோவா இயக்கிய ‘செவன் சாமுராய்’ கிட்டத்தட்ட 40 விழுக்காடு கலை விமர்​சகர்​களால் கொண்டாடப்​பட்டு, அந்தப் பட்டியலில் முதலிடத்தைப் பிடித்தது. அது இன்றளவும் தொடர்​கிறது.