பூமியின் உள் பகுதி எதிர்த்திசையில் சுற்றுகிறதா?

2010ஆம் ஆண்டு தொடங்கி பூமியின் உள்கருமையத்தில் உள்ள திடநிலை உள்-உள்ளகச் சுழற்சி வேகம் குறைந்துவருகிறது எனவும், தற்போது பூமியின் மேலோட்டுச் சுழற்சி வேகத்தைவிடவும் குறைவாக உள்ளதால், உள் உள்ளக அடுக்கு பின்னோக்கிச் செல்வது போன்ற தோற்ற மயக்கம் ஏற்படுகிறது எனவும் புவியியல் ஆய்வாளர்கள் கண்டுபிடித்துள்ளனர்.

யுஎஸ்சி டோர்ன்சிஃப் காலேஜ் ஆஃப் லெட்டர்ஸ், ஆர்ட்ஸ் அண்ட் சயின்ஸில் புவி அறிவியல் பேராசிரியராக உள்ள ஜான் விடேல் உடன் சீன அறிவியல் அகாடமியின் வெய் வாங் இணைந்து இந்த ஆய்வை நடத்தியிருக்கிறார்கள். ஆனால், இதைத் தவறாகப் புரிந்துகொண்டு, மரபான ஊடகங்கள் உள்பட பற்பல சமூக ஊடகங்களில் ‘பூமியின் உட்புறம் எதிர்த்திசையில் சுழல்கிறது’ என்ற தவறான செய்தியைப் பரப்புகின்றனர். இதுதான் இன்னும் சிக்கல்.