ஜூன் 30 - உலக சமூக ஊடக நாள் | தற்போது கோடிக்கணக்கான மக்கள் பல்வேறு சமூக ஊடகத் தளங்களின் மூலம் ஒருவரை மற்றொருவர் தொடர்புகொள்கின்றனர். தகவல்களைப் பகிர்ந்து கொள்கின்றனர். செய்திகளைத் தெரிந்து கொள்கின்றனர். சமூக ஊடக பயன்பாடு தொடர்ந்து விரிவடைந்து வருவதால், நிறுவனங்கள் தங்கள் பார்வையாளர்களுடன் தொடர்பை ஏற்படுத்தவும், மேம்படுத்தவும், அவர்களின் பிராண்டை விளம்பரப்படுத்தவும் வலுவான சமூக ஊடக இருப்பின் மதிப்பை அங்கீகரிக்கின்றன. இப்படிப்பட்ட சமூக ஊடகங்களின் அபரிமித வளர்ச்சியினால் சமூக ஊடகம் சார்ந்து முற்றிலும் புதியதொரு வேலைவாய்ப்புத் துறையையே உருவாக்கியுள்ளது. அவற்றை குறித்த கழுகு பார்வை இதோ:
சமூக ஊடக மேலாளர்: ஒரு நிறுவனத்தின் சமூக ஊடக கணக்குகள், சமூக ஊடக மேலாளரால் கையாளப்படுகிறது. சமூக ஊடக திட்டங்களை வடிவமைத்து உள்ளடக்கத்தை (content) உருவாக்கி, நிர்வகித்து, பின்தொடர்பவர்களுடன் தொடர்பு கொள்வது உள்ளிட்ட பல வேலைகளை செய்யக்கூடியவர் சமூக ஊடக மேலாளர்.
சமூக ஊடக திட்டமிடலாளர்: சமூக ஊடக திட்டமிடலாளர், தனது நிறுவனத்தின் நோக்கங்களுக்கு ஈடேற்றும் வகையில் சமூக ஊடக திட்டங்களை உருவாக்கிச் செயல்படுத்துகிறார். அவர்கள் சமூக ஊடக போக்குகளைக் கண்டறிய ஆராய்ச்சியை மேற்கொள்கின்றனர். மேலும் சமூக ஊடகத்துக்கான உள்ளடக்கத்தை உருவாக்கவும் பகிரவும் சமூக ஊடக மேலாளர்களுடன் அவர்கள் இணைந்து பணியாற்றுகிறார்கள்.
சமூக ஊடக உள்ளடக்க ஆசிரியர்: சமூக ஊடக உள்ளடக்க ஆசிரியர் (Social Media content editor), சந்தையை ஈர்க்கும் விதத்தில் சுவாரஸ்யமான விஷயங்களை தயாரித்து, கிராபிக்ஸ், வலைப்பதிவுகள், திரைப்படங்கள், உள்ளிட்ட பிற உள்ளடக்கங்களை உருவாக்குபவர். வாசகர்கள் அல்லது பார்வையாளர்களின் கவனத்தை ஈர்க்கும் உள்ளடக்கத்தை உருவாக்க, உள்ளடக்க ஆசிரியர்கள் தங்கள் சந்தைக்கான பயன்பாட்டாளர்கள் பற்றிய முழுமையான புரிதலைக் கொண்டிருக்க வேண்டும்.
சமூக ஊடக ஆய்வாளர்: சமூக ஊடக பங்கேற்பு பற்றிய தரவுகளைச் சேகரித்து ஆய்வு செய்வது சமூக ஊடக ஆய்வாளர்களின் முக்கிய பணி. சந்தைப் போக்குகளைக் கண்டறியவும், சமூக ஊடக முன்முயற்சிகளின் செயல் திறனை அளவிடவும், புதிய உத்திகளைப் பரிந்துரைக்கவும் இந்தத் தரவை அவர்கள் பகுப்பாய்வு செய்வர். சமூக ஊடக ஆய்வாளர்கள் தங்கள் கண்டுபிடிப்புகளைத் திறம்பட வெளிப்படுத்தும் சிறந்த ஆய்வாளர்களாக இருக்க வேண்டியது அவசியம்.
இன்ஃப்ளூயன்ஸர் மார்க்கெட்டிங்: சமூக ஊடகங்களில் தாக்கம் செலுத்துபவர்களுடன் தொடர்பு வைத்திருப்பதற்கு இன்ஃப்ளூயன்ஸர் மார்க்கெட்டிங் பெரிதும் உதவுகிறது. இந்தப் பணியில் இருப்பவர்கள் தமது நிறுவனத்தின் பிராண்டை ஆதரிக்கும் இன்ஃப்ளூயன்ஸர்களைக் கண்டறிந்து, ஸ்பான்சர் செய்யப்பட்ட உள்ளடக்கத்தை உருவாக்கி, அவர்களுடன் இணைந்து பணியாற்றுவார்கள்.
ஒப்பந்தங்களை வெற்றிகரமாக நிறைவேற்றவும், பேச்சுவார்த்தை நடத்தவும், நிர்வகிக்கவும் இவர்களுக்கு வலுவான தகவல் தொடர்புத் திறன்கள் அவசியம் தேவைப்படும். இன்ஃப்ளூயன்ஸர் மார்க்கெட்டிங் பிரபலமடைந்து வருவதால், சமூக ஊடகத்தில் தாக்கம் செலுத்துபவர்களுடனான தொடர்புகளை நிர்வகித்தல், தாக்கம் ஏற்படுத்தும் திட்டங்களை உருவாக்குதல் ஆகியவற்றுடன் தொடர்புடைய வேலைகள் அதிகமாக உருவாகி வருகின்றன. சமூக ஊடகம் வேலைவாய்ப்பு சந்தையில் பெரிய தாக்கத்தை ஏற்படுத்தியுள்ளது.
பல்வேறு பின்னணிகள், திறன் கொண்டவர்களுக்குப் புதிய வேலைவாய்ப்புகளை அது திறந்து உள்ளது. சமூக ஊடகங்கள் தொடர்ந்து வளர்ச்சியடைந்து வருவதால், இந்த துறையில் இன்னும் அதிக வேலை வாய்ப்புகள் உருவாகும். சமூக ஊடகப் பணிக்கு தேவையான திறன்கள்:
# சிறந்த தகவல் தொடர்புத் திறன்
# ஈர்க்கக்கூடிய உள்ளடக்கத்தை எழுதும் திறன்
# சமூக ஊடகத் தளங்கள், கருவிகள் பற்றிய அறிவு
# பகுப்பாய்வு, விமர்சனச் சிந்தனைத் திறன்
# சமூக ஊடக உத்திகளை உருவாக்கி செயல்படுத்தும் திறன்
- மு.நிவேதிதா | தொடர்புக்கு: mhushain@gmail.com
முக்கிய செய்திகள்
இந்தியா
16 mins ago
இந்தியா
3 mins ago
உலகம்
11 mins ago
தமிழகம்
38 mins ago
தமிழகம்
53 mins ago
இந்தியா
58 mins ago
தமிழகம்
1 hour ago
இந்தியா
1 hour ago
இந்தியா
1 hour ago
தமிழகம்
1 hour ago
க்ரைம்
2 hours ago
தமிழகம்
2 hours ago