அசாஞ்ச்: விடுதலையின் விலை என்ன?

‘அசாஞ்ச் தான் செய்த குற்றங்களுக்காகச் சிறையில் அடைக்கப்படவில்லை; பிறர் இழைத்த குற்றங்களை அம்பலப்படுத்தியதால்தான் அவருக்கு இந்த நிலை’ - சமீபத்தில் விடுதலையாகியிருக்கும் விக்கிலீக்ஸ் நிறுவனர் ஜூலியன் அசாஞ்ச் குறித்த அரசியல் விமர்சகர் ஜேம்ஸ் மெல்வில் தனது ‘எக்ஸ்’ தளப் பக்கத்தில் தெரிவித்திருந்த வார்த்தைகள் இவை.

14 ஆண்டுகாலத் தனிமை: 2010 இல் விக்கிலீக்ஸ் இணையதளம் வெளியிட்ட காணொளியில், இராக் தலைநகர் பாக்தாதில், ராய்ட்டர்ஸ் செய்தி நிறுவனத்தைச் சேர்ந்த இரண்டு பத்திரிகையாளர்கள் உள்பட 10க்கும் மேற்பட்டோர் அமெரிக்க ராணுவ ஹெலிகாப்டரிலிருந்து குண்டுவீசிக் கொல்லப்பட்ட சம்பவம் பதிவாகியிருந்தது; கூடவே, கொல்லப்பட்டவர்கள் குறித்து வசைச்சொற்களும் ராணுவத்தினரின் எக்காளச் சிரிப்பும்.