சாரம் இழக்கலாமா வானவில்லின் வண் ணங்கள்?

வலி, வேதனை, வறுமை, மகிழ்ச்சி, கொண்டாட்டம் என இதுவரை ஒன்றாகப் பயணித்தவர்களையும், திருநர் சமூகத்துக்காகப் பல போராட்டங்களில் முன்நின்றவர்களையும் (எல்.ஜி.பி.க்யூ.பிளஸ்) ஒதுக்கிவிட்டு, கல்வி, வேலைக்கான இடஒதுக்கீட்டில் தங்களுக்கென ஒரு கொள்கையை வரையறுக்க, இடையிலிங்கத்தவரும் திருநர் சமூகமும் (குறிப்பாகத் திருநங்கைகள்) மாநில அரசை நிர்ப்பந்திக்கத் தொடங்கியிருக்கின்றனர். இது நியாயமானதா எனத் திருநர் சமூகம் எண்ணிப் பார்க்க வேண்டும். பொதுச் சமூகத்தால் புறக்கணிக்கப்படுவதன் வலியை முழுமையாக உணர்ந்த திருநர் சமூகம், பால்புதுமையர் சமூகத்தினரைப் புறக்கணிக்கலாமா என்னும் கேள்வி இயல்பாக எழுவதைத் தடுக்க முடியவில்லை.