பொதுத் தேர்வல்ல, கற்றல் நடவடிக்கையே முக்கியம்!

‘11ஆம் வகுப்புக்கான பொதுத் தேர்வு தேவைதானா?’ என்கிற அழுத்தமான வினாவை எழுப்பி, உரையாடலைத் தொடங்கிவைத்துள்ளது 23.05.2024 அன்று வெளியான ‘இந்து தமிழ் திசை’ தலையங்கம். அத்துடன் மேலதிக விஷயங்களையும் பார்க்க வேண்டியுள்ளது.

11ஆம் வகுப்புக்குப் பொதுத் தேர்வு வேண்டும் என வலியுறுத்தியவர்கள் முன்வைத்த காரணங்களில் முதன்மையானது, பெரும்பாலான பள்ளிகள் 11ஆம் வகுப்புப் பாடங்களை நடத்தாமலேயே 12ஆம் வகுப்புப் பாடங்களுக்குத் தாவிவிடுகின்றன என்பதே.