குறைந்தபட்ச ஆதார விலை மட்டுமே தீர்வாகிவிடுமா?

பயிர்களுக்கான குறைந்தபட்ச ஆதார விலையை (எம்எஸ்பி) உறுதிசெய்யும் சட்டத்தைக் கோரி பஞ்சாப், ஹரியாணா விவசாயிகள் மீண்டும் போராடிக் கொண்டிருக்கிறார்கள். சுமார் 100 கோடி டன்கள் விவசாயப் பொருள்களை உற்பத்தி செய்யும் நாட்டில், எம்எஸ்பியைச் சட்டபூர்வமாக்க முடியுமா? அதனால் யாருக்கு லாபம்?

எம்எஸ்பியின் வரலாறு: 1965 முதல் கரீப் (மானாவாரிச் சாகுபடி), ரபி (குறுவைச் சாகுபடி) என இரண்டு பருவங்களுக்கு, ஒவ்வோர் ஆண்டும் பயிர்களுக்கான ஆதார விலையை, விவசாயச் செலவுகள் - விலைகள் ஆணையத்தின் (CACP) பரிந்துரைப்படி மத்திய அரசு அறிவிக்கிறது.