விலக மறுக்கும் திரைகள் - 6: கருச்சிதைவா, கண்ணியச் சிதைவா?

ஒரு பெண்ணைப் பொறுத்தவரை கருவுறுதல் அவள் வாழ்க்கையில் மிக மகிழ்வான தருணம். ஆனால், எப்போதுமே அது அப்படியானதாக இருப்பதில்லை. பல பெற்றோர்கள் ஆணோ பெண்ணோ எதுவாயினும் ஒரு குழந்தை மட்டும் போதும் என்கிற மனநிலைக்கு வந்துவிட்டார்கள். மறுபுறம், முதல் குழந்தை பெண் என்றால் சற்றே மனத்தாங்கலுடனும் அதிருப்தியுடனும் ஏற்றுக்கொண்டு, அடுத்து ஓர் ஆண் குழந்தை வேண்டும் என்னும் மனநிலையில் இருப்பவர்களும் உண்டு. ஆண் - பெண் என இரண்டு குழந்தைகளுக்குப் பின்னும் மீண்டும் கருவுறும்போது, அந்தக் கருவைக் கலைக்க விரும்பினாலும், சுற்றியிருக்கும் உறவுகளின் விருப்பத்துக்கும் வற்புறுத்தல்களுக்கும் இணங்கி, ‘இது என் உடல், இந்தக் கருவை ஏற்பதும் மறுப்பதும் என் உரிமை’ என்று துணிந்து நிற்கும் மனவலிமை இல்லாதவர்கள் மற்றொரு வகை.