சிந்தனை வெளியைக் காட்டும் சாளரங்கள் - 6 | தாமஸ் பிக்கெட்டி: சமத்துவத்தின் சுருக்கமான வரலாறு

சமூக உறவுகள் பொருளாதார நடவடிக்கைகளைத் தீர்மானிக்க வேண்டுமா, பொருளாதார நடவடிக்கைகள் சமூகக் கட்டமைப்பைத் தீர்மானிக்க வேண்டுமா என்கிற கேள்வியை முந்தைய இரண்டு பகுதிகளில் பரிசீலித்தோம். பழங்குடி/ பண்டையச் சமூகங்களில் ஈகைப் பரிவர்த்தனை எப்படி இயங்கியது என்பது குறித்த மார்செல் மாஸின் நூலையும் உற்பத்தியைச் சமூகப் பயன்பாடு தீர்மானிக்காமல், லாப நோக்கும் சந்தை விதிகளும் தீர்மானிக்கும் மாபெரும் சமூக மாற்றத்தின் பிரச்சினைகள் குறித்த கார்ல் பொலானியின் நூலையும் பார்த்தோம். அந்த வரிசையில், இன்று இயங்கிவரும் மிக முக்கியமான பொருளாதார ஆய்வாளர் தாமஸ் பிக்கெட்டி (Thomas Piketty) எனலாம்.