இந்திரன் 75: தமிழ் பேசும் உலக எழுத்தாளர்

“நமது வாழ்க்கையில் நமது தேசத்தை, நமது பூமியை நாம் சரியாகப் புரிந்துகொள்வது இன்றியமையாத மானுடக் கடமையாகும். அவற்றைத் தவறாகப் புரிந்துகொள்ள யாருக்கும் உரிமையில்லை. இதிலுள்ள சிக்கல் என்னவெனில், அவற்றில் தவறுகளும் குறைகளும் இல்லாமல் இல்லை. வரலாறு என்பதே அடுக்கடுக்கான தவறுகளையும் அவற்றை எதிர்த்து இடையறாது நடத்தும் போராட்டமாகவே இன்றுவரை நிகழ்கிறது. அந்தப் போராட்டம் நம்பிக்கையோடு நடத்தப்படுகிறது. நட்பையும் அன்பையும் ஒற்றுமையையும் உருவாக்குவதே அந்தப் போராட்டத்தின் இலக்கு” - என ஞானபீட விருதுபெற்ற எழுத்தாளர் ஜெயகாந்தன் கூறுவதுபோல், தம் எழுத்துலகில் நட்பையும் அன்பையும் ஒற்றுமையையும் தனது படைப்புகளால் நமது தேசத்தை, நமது பூமியைச் சரியாகப் புரிந்துகொண்டு நடைபோட்டவர் இந்திரன்.