சென்னை மெட்ரோ ரயில் பணியாளர் தேர்வு: ஓர் ஐயமும், விளக்கமும்

‘இந்து தமிழ் திசை​’யின் கடந்த ஏப்​.3-ம் தேதி நாளிதழின் 2-ம் பக்​கத்​தில் ‘சாதி ஒழிந்த இடமாக மெட்ரோ இருந்து விட்​டுப் போகட்​டுமே’ என்ற தலைப்பில் ஒரு கட்​டுரை வெளிவந்​துள்​ளது. இந்த கட்​டுரை தொடர்​பாக, பாமக செய்​தித்​ தொடர்​பாள​ரும், வழக்​கறிஞரு​மான கே.​பாலு வெளி​யிட்ட அறிக்​கை​யில் கூறி​யிருப்​ப​தாவது:

சென்னை மெட்ரோ ரயி​லில் பணி​யாளர்​கள் தேர்​வில் 69 சதவீத இட ஒதுக்​கீடு வழங்​கப்​படு​வ​தாக​வும், டெல்லி மெட்ரோ ரயில் நிர்​வாகத்​தின் பொறுப்புக்கு சென்​றால் இட ஒதுக்​கீடு பாதிக்​கப்​படும். தமிழர்​களுக்கு வேலை கிடைக்​காது என்ற அச்​சத்​தை​யும் பாமக நிறு​வனர் ராம​தாஸ், தனது எக்ஸ் வலை​தளத்​தில் தெரி​வித்து இருந்​தார். அதனை சுட்​டிக்​காட்டி அந்த கருத்து ஏற்​புடையது அல்ல என்று ‘இந்து தமிழ் திசை​’ நாளிதழ் கூறி ​உள்ளது.

அத்​துடன், கடந்த 2007-ம் ஆண்டு மத்​திய அரசும் தமிழக அரசும் இணைந்து கூட்டு நிறு​வன​மாக தொழில் நிறு​வனங்​கள் சட்​டத்​தின்​கீழ் சென்னை மெட்ரோ ரயில் நிறு​வனம் உரு​வாக்​கப்​பட்​டுள்​ளது. இது தனி தொழில் நிறு​வன​மாக இயங்​கு​வ​தால் தமிழக அரசு பின்​பற்​றும் 69 சதவீத இட ஒதுக்​கீடு பின்​பற்​றப்​படு​வ​தில்​லை. சாதி வேறு​பாடு இன்றி பணி​யாளர்​கள் நியமிக்​கப்​படு​கின்​றனர் என்​றும் இந்த கட்​டுரை கூறுகிறது.

இட ஒதுக்​கீடு இல்லை என்​றாலும் தற்​போது சென்னை மெட்ரோ ரயி​லில் தமிழர்​கள் அதிக அளவில் பணிபுரி​கின்​றனர். அந்த வகை​யில் சென்னை மெட்ரோ ரயில் சேவையை நிர்​வகிக்​கும் பொறுப்பை டெல்லி மெட்ரோ ரயில் நிர்வாகத்திடம் வழங்கும் முடிவில் எந்த தவறும் இல்லை என்​றும் கூறுகிறது. அப்​படி எனில் இட ஒதுக்​கீடு வேண்​டாம் என்று நாளிதழ் கூறுகிறதா என்ற கேள்வி எழுகிறது. நிச்​சய​மாக ‘இந்து தமிழ் திசை​’ நாளிதழின் நிலைப்​பாடு அது​வாக இருக்​காது என உறு​தி​யாக நம்​பு​கிறேன். இவ்​வாறு அவர் தெரி​வித்​துள்​ளார்.

தமிழக இளைஞர்​களுக்​கான வேலை​வாய்ப்​பு, சென்னை மெட்ரோரயில் நிறு​வனத்தை பொறுத்​த​வரை அரசி​யல் ரீதி​யான சர்ச்​சைகள் காரண​மாக பாதிக்​கப்​பட்​டு​விடக் கூடாது என்ற நல்​லெண்ணத்​தின் அடிப்​படை​யில்​தான் அந்தக் கருத்து வெளி​யிடப்​பட்​டதே தவிர, அது இடஒதுக்​கீட்​டுக்கு எதிரான பார்வை​ ஆகாது.- ஆசிரியர்