மொழிக்கொள்கையும் கற்றல் திறனும்

பிற மொழிகளைக் கற்றுக்கொள்வதற்கான வார்ப்புருவாக (Template) செயல்படுவது தாய்மொழிதான். தாய்மொழியில் ஒரு கருத்தைப் புரிந்துகொள்வதுதான் இன்னொரு மொழியில் அதே கருத்து சொல்லப்படும்போது அதைப் புரிந்துகொள்ள உதவும். எளிதாகச் சொல்வதென்றால், தாய்மொழியில் ஒரு கருத்தைப் புரிந்துகொள்வது என்பது அசல் ஆவணம் போன்றது.

அசல் ஆவணத்தைக் கொண்டு பல நகல்கள் எடுப்பதைப் போலத் தாய்மொழியில் புரிந்துகொள்வதே வேறு பல மொழிகளில் அதைப் புரிந்துகொள்ள அடிப்படையாக அமையும். பிறரைத் தொடர்புகொள்ள மட்டுமன்றி, உணர்வுகளை வெளிப்படுத்துவதற்கும், ஒருங்கிணைந்த சமூக வாழ்வுக்கும், கலாச்சாரத்தை வெளிப்படுத்துவதற்கும் எளிதான வழியாக இருப்பது தாய்மொழிதான்.