தமிழின் முதல் புதின ஆசிரியர் வள்ளலாரா?

தமிழின் உரைநடை இலக்கியம் பொ.ஆ. (கி.பி.) எட்டு ஒன்பதாம் நூற்றாண்டுகளில் தொடங்கியிருந்தபோதும், உரைநடை சார்ந்த படைப்பிலக்கியமோ கட்டுரை இலக்கியமோ படைக்கப்பட்டதில்லை. இதனை மிக நேர்த்தியாகக் கையாண்டு புதின இலக்கியத்தை முதன்முதலில் படைத்தவர் வள்ளலார் எனலாம். இதனைப் பலரும் கவனிக்கத் தவறியதன் விளைவே 1879இல் மாயூரம் வேதநாயகம் வெளியிட்ட ‘பிரதாப முதலியார் சரித்திரம்’ தான் தமிழின் முதல் புதினம் ஆனதற்குக் காரணம். ஆனால், வள்ளலார் எழுதிய ‘மனுமுறை கண்ட வாசகம்’தான் தமிழின் முதல் புதின முயற்சி. எடுத்துக்கொண்ட கதையையும் அதில் வரும் கதாபாத்திரச் சித்திரிப்பையும் வைத்து இதை உணர முடியும்.