நூல் நயம்: நேசிப்பு எனும் உன்னதம்

இவ்வுலகம் எனக்கானது. எல்லாவித அதிகாரமும் எனக்கு உண்டெனும் போதை எப்படி உருக்கொண்டிருக்கக் கூடும் எனும் காரணங்களுக்குச் செல்லாமல், நாமும் இப்புவியில் வாழும் பிற உயிரினங்களோடு வாழும் சிறு உயிரி என்பதைச் சொல்கிறது எழுத்தாளர் நக்கீரனின் ‘எறும்புகள்’ நூல்.

அஸ்ஸாம் மாநிலத்தில் உள்ள ‘மொலாய்’ காடுகள் உருவாக்கத்தில் எறும்புகளின் பங்களிப்பு குறித்த அரிய தகவலை நக்கீரன் இந்நூலில் சொல்கிறார். எறும்பு கடித்தால் உடனே அதை அடித்துக் கொன்றுவிடாது, அது உன்னை நலமா என விசாரிக்கிறது எனக் குழந்தைகளிடம் சொல்லி வளர்க்கும் தொல்குடிகளின் தொலைக்காத மனதை நமக்கானதாக்குகிறது நூல்.