நூல் வெளி: மர்மமான மனங்களின் கதைகள்

தமிழ் இலக்கியத்தில் மறுமலர்ச்சிக் காலமான தொண்ணூறுகளில் எழுத வந்தவர் ரமேஷ் பிரேதன். பல்வேறு காலகட்டங்களில் அவர் எழுதிய சிறுகதைகளின் தொகுப்பு நூல் இது. ரமேஷின் கதைகள், கைக்கொண்டிருக்கும் மொழி விசேஷமானது; மனவோட்டமாக ஒழுகி ஓடுகிறது.

நினைவேக்கம், பிறழ்வு, அடையாளக் குழப்பம், துக்கம், தற்கொலை, உறவு முரண், பசி, கழிவிரக்கம், கொலை, காமம் எனப் பலதரப்பட்ட மன உணர்ச்சிகளின் வெளிப்பாட்டை இந்தத் தொகுப்பு கொண்டுள்ளது. வாழ்க்கை, அரசியல் தத்துவங்களின் 21ஆம் நூற்றாண்டுக் குழப்பத்தையும் இந்தத் தொகுப்பின் சில கதைகள் பேசுகின்றன.