நூல் வெளி: துருவங்களின் மோதல்

அறிவியலும் ஆன்மிகமும் எப்போதுமே எதிரெதிர் துருவங்களில் பயணிப்பவை. அமெரிக்க அறிவியலாளரும் வரலாற்று ஆய்வாளருமான ஜான் வில்லியம் டிராப்பர் மதங்களுக்கும் அறிவியலுக்கும் இடையேயான கருத்து மோதல் குறித்து, ஒன்றரை நூற்றாண்டுகளுக்கு முன்பு எழுதிய, ‘History of the conflict Between Religion and Science’ நூலின் தமிழாக்கம் இது.

உலகம் முழுவதும் மதங்கள் எப்படித் தோற்றுவிக்கப்பட்டன, அவை முன்மொழிந்த கருத்துகள் அறிவியலின் வளர்ச்சியால் எப்படிக் கேள்விக்கு உட்படுத்தப்பட்டன போன்றவற்றை ஆதாரங்களோடு நிறுவியுள்ளார் ஜான் டிராப்பர். தொழில்நுட்ப வளர்ச்சியிலும் செயற்கை நுண்ணறிவிலும் உச்சத்தைத் தொட்டிருக்கும் இந்நாளுக்கும் மிகப் பொருத்தமானதாக இருக்கிறது இந்நூல்.