நூல் நயம்: ஆச்சிமாரும் பேத்திமாரும்

இரா.நாறும்பூநாதன்

கணவனை இழந்த தெற்கத்தி ஆச்சிகளின் வாழ்வியல் அனுபவங்களைத் தேடித்தேடி ‘ஆச்சிகளின் உலகம்’ நூலில் பதிவுசெய்துள்ளார் தங்கம் வள்ளிநாயகம். தனது பேத்திமார்களுக்குக் கூழ்வற்றல் போடுவது, தோசை மாவு அரைப்பது, திருவையில் பாசிப்பருப்பு திரிப்பது, வெண்கலப் பாத்திரத்தைப் புளி போட்டு விளக்குவது எப்படி என்றெல்லாம் சொல்லித்தருவது ஆச்சிமாரின் அன்றாட வழக்கங்கள்.