நூல்நோக்கு: தமிழர் தெய்வங்களின் தடம் தேடி...

தமிழ்ப் பண்பாட்டின் விசேஷமான அம்சங்களில் ஒன்று குலதெய்வ வழிபாடு. இந்தக் குலதெய்வங்களைப் பற்றி இதழாளர் அய்கோ எழுதியிருக்கும் கட்டுரைகளின் தொகுப்பு ‘குலம் காக்கும் தெய்வங்கள்’. தமிழகத்தின் பிரபலமான சிறுதெய்வ வழிபாட்டுத் தெய்வங்கள் பற்றிய சித்திரத்தைக் கதைப்பாடல்கள், கதைகள், சங்கப் பாடல்கள் அடிப்படையில் அய்கோ இதில் உருவாக்கியுள்ளார்.

இசக்கியின் தொடக்கம் தேடி வில்லுப்பாட்டு, சிலப்பதிகாரம், சமணக் கதைகள் என நீண்ட வரலாற்றுப் பயணத்துக்கு வாசகர்களைக் கூட்டிச் செல்கிறார் நூலாசிரியர். சாமானியப் பெண்ணாக இருந்து பாலின அடையாளத்தால் பட்டபாடுகளால் தெய்வமானவர்களின் கதைகளைச் சுவைபடவும் சொல்லியிருக்கிறார்.