நூல் வெளி: பெண்களின் கதைகள்

கொங்கணியில் கோகுல்தாஸ் பிரபு எழுதி, கோபிநாத் ஹெக்டே மொழிபெயர்த்த ‘உள்பரிமாணங்கள்’ என்ற சிறுகதை நூலை வாசித்து முடித்தபோது, இந்தியப் புனைவிலக்கியங்கள் அனைத்தும் ஆண் என்கிற அதிகார மையத்தினூடாக ஒன்றிணைவதாகத் தோன்றியது.

1994இல் இந்நூலுக்குச் சாகித்ய அகாடமி விருது வழங்கப்பட்டுள்ளது. கோவாவின் ஆட்சி மொழியான கொங்கணி மொழியில் கவிதையே முக்கிய இலக்கிய வடிவமாக இருக்கிறது. கோகுல்தாஸ் பிரபு, கொச்சியைப் பூர்விகமாகக் கொண்டவர். மலையாள வடிவத்தில் இவர் கொங்கணி மொழியை எழுதிவருகிறார்.