நூல் வெளி: குருதியில் அசையும் கண்டல்

ஈழத் தமிழ் இலக்கியத்தின் செவ்வியல் தன்மை, இந்திய நவீனத் தமிழ் இலக்கியத்தின் விவரிப்பு மொழி இந்த இரு அம்சங்களைச் சுவீகரித்துத் தன் கதைகளைத் தனித்துவமாக்கிக்கொண்டவர் எழுத்தாளர் அகரமுதல்வன்.

அவரது சமீபத்திய ‘மாபெரும் தாய்’ தொகுப்பு, கால் நூற்றாண்டு கால ஈழப் போராட்டம் தமிழ் மக்களின் வாழ்க்கையையும் அடையாளத்தையும் உள்ளும் புறமுமாகக் கேள்விக்கு உள்ளாக்கியிருப்பதை விவரிக்கிறது. இந்தக் கதை மனிதர்கள் தொடர்ந்து புலப்பெயர்வுக்கு உள்ளாகிறார்கள். நிச்சயமற்ற அம்மக்களின் வாழ்வை ஆசிரியர் சொல்லியிருக்கும் விதம், செளகரியமான இந்தியச் சூழலில் அதிர்ச்சியூட்டுபவையாக இருக்கும்.