நூல் வெளி: புதைமணலும் பறப்பாடும்

ஈழக் கவிஞர்கள் செல்வி, சிவரமணி ஆகியோர் எழுதிய கவிதைகளின் தொகுப்பு, 25 ஆண்டுகளுக்குப் பிறகு மறுபதிப்பு கண்டிருக்கிறது. 80-களின் ஆவணமாக, இரு நுண்ணிய கவிமனங்களின் வெளிப்பாடாக இருப்பதை இந்தக் கவிதைகள் மீண்டும் உறுதிசெய்கின்றன.

தமிழ் மக்களின் வரலாறு காணா இனஅழிப்பை ஏதோ ஒருவகையில் புரிந்துகொள்ள எத்தனிக்கும் சமீபகாலச் சீரிய இலக்கியப் பங்களிப்புகளின் பின்னணியில் செல்வி, சிவரமணி ஆகியோரின் கவிதைகளை இப்போது வாசிப்பது, அன்றைய வாசிப்பிலிருந்து வேறொரு பரிமாணத்தை அளிக்கிறது.