இயற்கையைக் காட்டும் எழுத்துக் கண்ணாடி

ஆண்டுதோறும் பெங்களூருவில் உள்ள இந்திய அறிவியல் கழகத்தில், நாட்டிலுள்ள காட்டுயிரியலர்கள், மாணவர்கள் ஒன்றுகூடி வெவ்வேறு தளங்களில் அத்துறையின் நடப்பு பற்றிப் பேசுவார்கள். நான் இந்தக் கூடுகைகளில் கவனித்தது ஏறக்குறைய அவர்கள் எல்லாருமே தங்கள் தாய்மொழியில் பரிச்சயம் இல்லாதவர்கள்.

புலமை ஆங்கிலத்தில் மட்டுமே. காட்டுயிர், இயற்கை பற்றிய அறிவியல் கருத்தாக்கங்கள், புதிய கண்டுபிடிப்புகள், காட்டுயிர் சார்ந்த விவாதங்கள், இவை சாமானிய மக்களுக்குப் போய்ச் சேராததற்கு இது ஒரு முக்கியக் காரணம். பசுமை நடைகள், பறவை அவதானிப்புப் பயிலரங்குகள் மூலம் இன்று காட்டுயிர் பற்றிய ஆர்வம் அதிகரித்திருந்தாலும் தரமான கட்டுரைகள், நூல்கள் அரிதாகவே வருகின்றன.