புத்தகத் திருவிழா 2022 | 360: புதுப்பொலிவுடன் பழைய நூல்கள்

முந்தைய தலைமுறை எழுத்தாளர்களுக்குச் சாகித்ய அகாடமி விருது பெற்றுத்தந்த நூல்களின் மறுபதிப்பை முல்லை பதிப்பகம் வெளியிட்டிருக்கிறது. கி.வா.ஜகந்நாதனின் ‘வீரர் உலகம்’ கட்டுரைத் தொகுப்பு (சாகித்ய அகாடமி விருதுபெற்ற ஆண்டு-1967), பேராசிரியர் அ.சீநிவாசராகவனின் ‘வெள்ளைப் பறவை’ கவிதைத் தொகுப்பு (விருது ஆண்டு - 1968), பாரதிதாசனின் ‘பிசிராந்தையார்’ நாடகம் (விருது ஆண்டு -1969), க.நா.சுப்ரமண்யத்தின் ‘இலக்கியத்துக்கு ஓர் இயக்கம்’ கட்டுரைத் தொகுப்பு (விருது ஆண்டு-1986), சு.சமுத்திரத்தின் ‘வேரில் பழுத்த பலா’ (விருது ஆண்டு -1990 ) ஆகிய ஐந்து நூல்கள் இந்த ஆண்டு சென்னைப் புத்தகக் காட்சியை ஒட்டி வெளியிடப்பட்டிருக்கின்றன.