ஆசிரியப் பணி அனுபவங்கள் | நூல் வெளி

அரசு கலைக் கல்லூரிகள் பலவற்றில் பேராசிரியராகப் பணிபுரிந்தவர் ஆர்.சிவக்குமார். தமிழின் முதன்மையான மொழி பெயர்ப்பாளர்களில் ஒருவர். அவர், தனது பணிக்கால அனுபவங்களின் பின்புலத்தில் எழுதியிருக்கும் நாவல் ‘கற்றதால்’. ஓர் எளிய குடும்பப் பின்னணி கொண்ட மாணவன் ஒருவனின் இளமைக் காலத்தையும் முதல் தலைமுறையாக அவன் கல்லூரிக் கல்வி பயின்று மேலெழுந்து வருவதில் அடைந்த பாடுகளையும் விவரிக்கும் அவருடைய முதல் புனைவான ‘தருநிழல்’ நாவலின் தொடர்ச்சியாகவும் இவருடைய இந்த இரண்டாவது நாவலை வாசிக்கலாம்.

இந்​நாவல், இவருடைய கற்பித்தல் அனுபவங்களை விவரிப்பதாக மட்டும் நின்று​விடாமல், கடந்த முப்பது, நாற்பது ஆண்டு கால உயர் கல்விப் புலத்தின் போக்குகள் குறித்த குறுக்கு​வெட்​டானதொரு வரலாறாகவும் ஆங்கிலம், தமிழ்ச் சிறுபத்​திரிகை சார்ந்த முன்னோடி எழுத்​தாளர்கள் அவர்தம் நூல்களைப் பற்றிய நினைவுப் பதிவு​களாகவும் பல்வேறு உள்ளடுக்​கு​களைக் கொண்டிருக்​கிறது.