நூல் நயம்: சங்கக் கவிதைகளின் நினைவுகள்

கவிஞர் ஸ்ரீநேசனின் புதிய முயற்சியாக வெளியாகியுள்ளது ‘குறுமுப்பத்தாறு’. சங்கக் கவிதைகளைப் போல மூன்று முதல் பத்து அடி வரையிலான பெரும்பாலான கவிதைகள் வடிவமைதியைப் பெற்றுள்ளன.

‘பேச்சு’ என்ற தலைப்பில் இடம்பெறும் கவிதை, ‘விளையாடு ஆயமொடு வெண் மணல் அழுத்தி...’ எனத் தொடங்கும் நற்றிணையின் 172வது பாடலை நினைவூட்டுகிறது. சங்கக் கவிதைகளில் உள்ளுறையிலும், இறைச்சியிலும் உவமை வழி இயற்கை, நிலம், விலங்கு, பறவை போன்றவை எவ்வாறு வெளிப்படுகின்றனவோ அவ்வாறே மலை, பறவை, மரம், செடி, கொடி போன்றவை குறியீட்டுத் தன்மையாக விரவி வந்துள்ளதைக் காண முடிகிறது.