அயல்மொழி நூலகம்: தமிழில் கணினிப் பயன்பாடு

கணினியின் செயல்பாடுகளைத் தமிழ் மொழியில் மேற்கொள்வது ஒரு தொடர்பயணமாக நிகழ்ந்துவருகிறது. ‘Tamil Computing’ என்கிற இந்நூல், கணினியைத் தமிழில் பயன்படுத்துவதற்கான வழிமுறைகளை ஒரு தொகுப்பாக முன்வைக்கிறது. சென்னைத் தொழில்நுட்பக் கழகத்தின் கணினி அறிவியல் - பொறியியல் துறையில் பேராசிரியராகவும் புலத் தலைவராகவும் உள்ள ஆர்.பொன்னுசாமி, இந்நூலை எழுதியுள்ளார்.

கணினியில் தமிழ்வழிச் செயல்பாடு என்பது முதன்மை நோக்கமாக இருப்பினும், அதைக் கற்பிப்பதன் முதல் கட்டமாக எளிமையான ஆங்கிலத்தில் இந்நூல் எழுதப்பட்டுள்ளது. எழுத்துருக்கள், விசைப்பலகை போன்ற அடிப்படைச் செய்திகளிலிருந்தே இந்நூல் விளக்குகிறது.